"Царь убо есть осень, средовечие, третие время года, когда от древа лисьтвие падут и древеса от лисьтвия обнаженна, аки от царьских багряниц, и являются облачены худым лисьтвием, яко уже не царьскую ризу или венец толко различию царьского подобия оставших ради плодов к прорастению и к начинанию новых плодов, или престол сонцу в последнем крузе зодейном, или в руце ключь замыкание водам, тогда в кораблех человецы от воднаго плавания морь и рек и езерь престают, дая на строение воздух, в другой же весы, яко равноденьство, тогда часове во дни и в нощи развешены суть. Присъкоръбна же тогда древеса, яко плачюще и рыдающе своея ради наготы вины лишения от прекрасных плодов и цветов различных, якоже великого богатства лишени».